منتديات شيفاز

ياهلا بالمقبلين

يالله حيهم بمنتداهم الموقر


سجلو بسرعه لا يفوتكم

انضم إلى المنتدى ، فالأمر سريع وسهل

منتديات شيفاز

ياهلا بالمقبلين

يالله حيهم بمنتداهم الموقر


سجلو بسرعه لا يفوتكم

منتديات شيفاز

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المواضيع الأخيرة

» صور الاف فور F4
                         ممكن اصعد الى القبر Emptyالأربعاء أبريل 17, 2013 7:07 pm من طرف وردة

» هندي فتح منتدى شوفوا القوانين
                         ممكن اصعد الى القبر Emptyالسبت يناير 07, 2012 1:44 am من طرف RooR

» فـَيْ دَآخَليْ ضَحْكَةٍ طَفَلْ , وَفـَيْ خَآفَقَيْ [ حُلَمْ ] الكَبَآرْ..!
                         ممكن اصعد الى القبر Emptyالسبت نوفمبر 05, 2011 7:31 pm من طرف βĬśĦǾÓ

» اطول كيكه في العالم
                         ممكن اصعد الى القبر Emptyالجمعة نوفمبر 04, 2011 8:38 pm من طرف βĬśĦǾÓ

» بيتزا صح...
                         ممكن اصعد الى القبر Emptyالجمعة نوفمبر 04, 2011 8:36 pm من طرف βĬśĦǾÓ

» شرط فتاة قبل الزواج....( والله ذكية)
                         ممكن اصعد الى القبر Emptyالجمعة نوفمبر 04, 2011 8:24 pm من طرف βĬśĦǾÓ


3 مشترك

    ممكن اصعد الى القبر

    ¡ Ąm βễĄŲŦÍҒũŀ
    ¡ Ąm βễĄŲŦÍҒũŀ
    عضو مميز
    عضو مميز


    انثى عدد المساهمات : 2131
    السٌّمعَة : 32
    تاريخ التسجيل : 13/10/2010

                             ممكن اصعد الى القبر Empty ممكن اصعد الى القبر

    مُساهمة من طرف ¡ Ąm βễĄŲŦÍҒũŀ الخميس أكتوبر 14, 2010 12:41 am

    انا هنا
    وهو هناك ..
    حيث ذاك المكان الذي يلعب فيه مع الاخريات
    وانا اعاني فرقد وحدتي
    ربما جمعتنا الصدف , وربط بيننا شيئاً ما
    لكنني سأبقى رغم ذلك اخشى ان افقده
    اتجمد كـ الماء في الجليد
    اذوب كـ الثلج في الحرارة
    | في بُعده |
    أعشق تلك العينان
    ولكن يبقى السؤال , هل سأضحي بنفسي لأجله !
    " ڪـُن معي معشوقي " ..









    طلعت من غرفتي بملل وانأ ابي انزل تحت بعد ما نادتني امي
    تاففت وانأ اجوف المصعد او الدرج
    انزل في أي واحد فييهم
    طقيت على جبهتي بملل , صج انا خبلة
    جريت ريلي الى المصعد وطقيت الطابق الاول
    غمضت عيني بملل وانأ أستعد الى قصة امي اليديدة
    أي يديدة قصدي الي كل مرة تعيدها
    شنو هالعييشة الي عايشتها من بدت العطلة واحنا ما نجووفج ما تنزليين تحت ابدا دايم في غرفتج وعلى هالنت !
    خب اميي تروح تروح وترد على هالنت المكسيين
    اووف !
    وصلت الطابق الي تحت جفت نوف اختي قاعدة تطالع التلفزيون في الصالة ..
    قلت بملل : نوفو وين امي ؟
    قالت بصوتها الناعم لـ صغر سنها : ماما في المطبخ مع الخدم
    تاففت بملل لا يكون تقولي بتعلمني الطبااخ شنو ذيي !
    بيتنا مترووس خدم وامي غصب تبي تعلمني الطباخ
    كنت بمشي بس وقفتني نوف واهي تقوم من على الكنبة وتقول بلهفة : ساروو لا تروحين اميي معصببة ساليوو الزفتتة تهاوشت مع نويف اخوي و
    ما خليتها تكمل ومشيت عنها
    كالعاادة .. نواف اخووي !
    مساكييين محد سالم من اميي
    بس التفت لها وقلت عشان لا ينكسر خاطرها اني ما خليتها تكمل : شمسوي نويف هالمرة ؟
    قالت بعصبية : انا ونواف كنا نبيها تسوي لنا بطاطس ما رضت لانها كانت تبي تنام قام نواف واخذ الكتشب وعصره عليها واهي ناايمة
    دار راسي وحسيت بضحكة
    توجهت الى امي في المطبخ وسمعت صراخها قبل لا ادخل المطبخ
    هريت ريلي بملل : يمـه اكا ييت
    التفت لي بغضب : تووج ياية وانأ مطرشة ناني من دهر تيي لج
    عضيت على شفايفي اتماسك اعصاابي : نانيي توها يايتني شسووي يعني
    قربت من وطقتني بقوة على ايدي الي مكتفتها وقالت بصرخة : انتي الظاهر ما تربيتي
    صرخت : امبللللللى , بس انا الي ربيييت رووحي مو انتي الي ربيتيني
    كانت بتتكلم بس جفت ابووي داخل وانأ احاول امسك دمووعي
    شنو هالام الي تدوور الزلة عشان تعاتبنيي !
    قال بخوف واهو ياي يمي ومسك ايدي : شفييج حبيبتي ؟
    هزيت راسي ولا تكلمت لان لو تكلمت بتطيح دموعي
    وركضت فووق غرفتي
    وابوي يناديني
    بس كل مرة جذيي من تجووف ابوي تتمسكن
    ساعات احسس اني مو بنتها على معاملتها لي شريكتها او بنت ريلها
    لييش تسوي فيني جذيي ليش !!
    صفقت بباب غرفتي الكبيييرة وقفلت الباب وطحت على الارض

    شهالعييشة الي عايشتتها
    في ذمتكم ذي حيااة بنت عمرها " 15 " سننة والله ما استااهل كل ذيي
    عمري ما صرخت عليها
    مرات قليلة لان ما اتمااسك اعصاابي اهي غصب تسووي فيني جذي !
    حملت لابتوبي لما وصلتني اشارة تنبيه من " عبير "
    رفيجتي
    عبير " على بآبك قضى هذا القمر ليله "
    انا " انا جرحي مو مثل الخلآيق يطيب "

    انا جرحي مو مثل الخلآيق يطيب : هلا عبوور
    على بآبك قضى هذا القمر ليله : ساروو وين رحتي
    انا جرحي مو مثل الخلآيق يطيب : امي كانت تناديني
    على بآبك قضى هذا القمر ليله : اهاا , شتبي ؟
    انا جرحي مو مثل الخلآيق يطيب : ولا شيي , شصاار ؟
    على بآبك قضى هذا القمر ليله : " فيس مرتجف " ما صاار شي كالعادة
    انا جرحي مو مثل الخلآيق يطيب : لا تقولين لي سبج ؟
    على بآبك قضى هذا القمر ليله : اييي !
    انا جرحي مو مثل الخلآيق يطيب : هذا سبااال ولا ما يفهههم , انتي ليش كلمتيه مو قلت لج لا تحتكيين فيه
    على بآبك قضى هذا القمر ليله : سارووو شسووي والله مو ذنبي
    انا جرحي مو مثل الخلآيق يطيب : الا ذنببج
    على بآبك قضى هذا القمر ليله : اووكي , قولي لي شسوي ؟
    انا جرحي مو مثل الخلآيق يطيب : اممم , نطري بعدين بقعد .. الحين بقوم !
    على بآبك قضى هذا القمر ليله : وين رايحة تعالي لا يكون امج !
    انا جرحي مو مثل الخلآيق يطيب : لا حبيبتي بس انا بقووم اوكي
    وسكرته قبل لا ترد وباعدت الاب وتمددت على سريري الوااسع
    تعبببت يا نااس تعرفون يعني شنو تعببت احس اني مو من هالبيت وهناك احس اني منبووذة
    في كل مكاان منبووذة اصلن !
    تعببببببببببببببببببببببببت ..
    قمت ركضت الحمام وانأ ابجي وغسلت ويهي
    مــرة , مرتييين , ثلاث
    جاان بس اصحححى على رووحي
    رفعت عيني وانعكست زرقة لون عدسة عيني في المنظرة وشقرة شعري لدرجة الصفرة
    سندت راسي على الطووفة
    لييش انا جذي .. من وين يات العين الزرقة والشعر الاشقر وبيااض ويهي الفاقع !
    امي حنطااوية وابووي ابيض بس مو لهدرجة
    انا من ويين يات العين الزرقة
    وامي وابوي شعورهم سود ابوي شوي كستنائي انا من وين يا الشعر الاشقر من ويين !
    نووف كتكوتة البيييت بشرتها بيضة وشعرها مايل الى الاشقر
    اما نواف قصصصة ثاانية يهببل الولد والله , بشرته بيضة بعد بس مايلة الى السمرة ووايد حلوو !
    اما انا ..
    شقوول عن نفسي
    بشرتي بيضة لدرجة , وشعري اشقر وايد .. وعيني زرقة غاامقة !
    رمووشي كثيفة يقولون لي حلو واولهم عبير تقولي ياليتني مثلج
    اما انا وعع ملوعين جبدييي !
    ما احب الرموش الطويلة
    المهم هذي حياتي ..
    امي احسها تدوور الزلة علي
    وابووي يموت بس محد يعصبني
    الله يخلييك لي يا يبه
    ابووي عنده شركات مع عمتي
    لان ابوي وحيد امه وابوه ما عنده غير اخت وحدة الا اهي عمتي " نورية " ..
    عمتي نورية عندها ولد وبنتين ..
    " يوسف عمره 18 " في ثالث ثانوي , " دانة عمرها 17 " في ثاني ثانوي , " نورة عمرها 13 في اول اعدادي " ..
    انا مع دانة مو واايد يعني
    ونورة صغيرة
    اصللن ما احبب اروح بيت عميمة وايد مادري لييش
    المهم طلعت من الحمام وحملت لابتوبي مرة ثانية
    شغلت ايميلي بس ما لقيت عبير
    اوويه لا يكوون زعلت , لا ما اتووقع !
    دخلت على المووقع الي ما افارقه ابدا
    موقع البليارد
    انا تقدرون تقولون اربعة وعشرين ساعة مداومة على هالموقع في الاجازة
    هوو صج من حق امي تعصب لاني كله في غرفتي على النت بس مو بهالطريقة عااد !
    دورت احد من القروب ما لقييت
    شفيهم ذلين محد قاعد الحين الساعة اربع العصر !
    ايي من السهرر الحين نايمين بس انا مواصلة
    باعدت عني الابتوب بعد ما بندته وتمددت على فراشي وتلحفت بقووة
    تعباااانة حييل من كل شيي
    معاملة اميي لي تحسسني بالنقص
    تحسسني اني مو بنتها ..
    بس ما علي انشاءالله بعدل اسلووبي كلها خمسة ايام ونرجع للمدرسة الهم والكدر
    بيتنااا واايد وايد كبييير عبارة عن ثلاثة طابق والي فوق الرابع مو مبني .. امم
    صاير الطابق الاول تقريبا من زجاج والطابق الثاني لو اقولكم ما تصدقوون !
    خخخخ ابووي باني الى نوافوو اخوي جناح
    مسكيين ابوي دايم يعجل المواضيع
    ولو اقولكم هالشي صج ما بتصدقونه
    الدور الثالث كله محجوووز لي لان ابوي رافض اني اذا تزوجت اعيش في بيت ريلي
    احببب ابوووي حييل
    اممم يمكن اكثر من امي لان ابوي مدللني واايد واايد ..
    مو مقصر على نوف ونواف بس يعني انا بزيادة
    يمكن من جذيي امي معصبة ما تبي هالدلال يخربني
    صحح عيل شنو ثاني ماكوو ام ما تحب لبنتها الخير
    والحيين تبون تعرفون شنو قصة عبير ويا ذي الحيوان !
    خخخخخخ لو تسمعنيي بس اسببه
    الله يسلمكم عبيير حبت واحد من هالموقع بس اهوو السبال موب مهتم
    يدري انها تحبه لان تقدرون تقولون الكل يدري بس اهو يستهبل داايم ..
    يعني يتهاوش وياها انا انصدم معقولة يدري انها تحبه ويقولها هالكلام
    ما عليييكم مني
    المهم نكنيمه " m7san" بس اهو اسمه صلاح في الاصل !
    عمره " 17 " سنة !
    اما انا قصصصة ثانية
    محد يتخيل اني انا الي في القيمزر اهي انا الي في البيت
    في القيمزر مسووية حركة في الروم انا وعبير داايم تفاعلات وفي البيت مثل الميتة !
    انا تعودت اذا العب ما اتكلم مع الي العب معاه بس في الجماعي اتكلم
    في " شخص " نكنيمه " british " ..
    هااي اسمه " محمد " اممم من اول ما دخلت القيمزر يعني اول الايام جفته في العام كان يتكلم ومعصب
    هههههه لما قلت الى عبير تقولي انتي تجوفين ملامح ويهه حتى حكمتي انه معصب
    بس ينعرف الشخص من كلامه
    لا تقولون تفرقنا شاشة واحنا ما ندري , بس انا احساسي رهييب !
    يا شييخة كثري منها , المههم لا نطلع عن نطاق القصة ..
    رسلت له رسالة يعني شفيك معصب وجذيي
    غسلني من فوقي الى تحتي
    انتي شعلييج شوله تتدخلين
    يا اخيي اسفة خلاص
    لا مو اسفة ومادري شنو مرة ثانية لا تتدخلين في شي ما يخصج
    حااضر , آسفة !
    وبعدها غسلت ايدي اني اتكلم مع واحد ما اعرفه من جذي ما اتكلم في القيم الي العبه
    بعدها تقريبا بـ أسبوع
    يا لي وقال انه آسف وما كان يقصد ومادري شنو
    توونست ان احد يتأسف لي
    خخخ تكبررت شوي وغسلت شراعه وقلت آخر مرة لك ومو انا الي انهان ومادري شنو قال حقج علي يا بنت الحلال مو قصدي
    يا زعم انا الحيين رضيت وقلت خلاص اوكي
    بعدها تمينا نتكلم مع بعض وجذيي
    ليما تقدرون تقولون صرنا اقرب ناس في القروب انا معاه
    انا نكنيمي " mLak " كنت أتمنى لو كان اسمي ملااك !
    اكثر من مرة اقول الى ابوي يغير اسمي , يعني بواسطة ابوي ما اتاخر حتى دقيقة في خمس دقايق تغير اسمي وخلاص !
    بس ابوي رافض يقول سارة احلى , لييش ما ادري ..
    المهم كنت اتكلم مع الكل وبعضهم يظن ان صج اسمي ملاك انا اتونس
    صج صرت تقريبا قريبة من محمد بس ما يعرف اسمي ويدري ان اسمي مو ملاك ولا عطيته ايميلي جذي احسن !
    بس انا بعدي استحي اساله اسالة عن روحه او شي
    المهم خلااص خلوني انام ..



    »¦ ●• ¦«



    قلت بعصبييية : اوووف
    صرخت : وويهد الي ياخذج الف مرة قايلت لج لا تتاففين علي وتصرخين بعد
    رفعت راسي وتنهدت بقووة وقلت : يمه انا شسوويت الحين
    قالت : سووا لج غل قوولي آمين , ابي اعرف ليش ما تبين تيين بيت عمتج
    قلت بملل : مالي خلق وبعدين ارووح شسوي , يمه منو هناك كبري ماكو الا دانوو واكبر مني بسنتين يمه ابد ماكو تناسق بيني وبينها لو سمحتي لا تغصبيني ونورو رقللة
    صرخت واهي تمشي : اييي اكيييد ما بتسووين الا الي تبينه انقلعيي عساج ما طلعتي من هالغرفة
    راقبت طيفها ليما طلع من الغرفة وسكرت الباب بقووة
    تميييت أتامل مكان ما كانت قاعدة , من وصلت " 10 " سنوات واهي جذي وياي
    ما استبعدت انها من قبل بس انا ما اتذكر
    نزلت دموعي من دون استئذان
    ثواني وتميت اشاهق وركضت الحمـام
    غسلت ويهي اكثر من مرة وطلعت من الحمام
    خلااص تعوودت يا ناس والله تعودت على كلامها بس قلبي ينجرح لما تقول لي هالكلام ..
    حملت شنطتي بجوف شنو علينا واجبات
    بس ما كان لي خلقها ابداا
    حملت الاب ودخلت المسن
    جفت عبير قاعدة
    دايركت رحت لها : بسألج علينا واجبات اليوم مالي خلق افتح شنطتي
    قالت : لا ما علينا
    قلت : احسسن بعد .. منو قاعد في الموقع ؟
    قالت : اممم , بريتش وو صلاح ورفيجه ذي ماعرف شسمه
    قلت : نار ؟
    قالت : ايي صح .. تعالي اكا يسأل عنج
    قلت : =| جلبج ؟
    قالت : =( حراام عليج عضج جلب ما خلاج تقومين لا تقولينه له جذيي , لا مو صلاح بريتش نسيت اسمه شنو اسمه !
    قلت : =P , ما بقول يالله اكا بدخل
    قالت : هههههههه اوكي !
    دخلت ورحت روم البحرين
    سوو لي انفايت
    امم اقبل او لا بقبل خخ !
    british : هلوو , امس ما دخلتي
    mLak : شسووي تونا امس مبدين مدرسة ما مداني ادخل
    british : اها , انا امس ما داومت
    mLak : يه , ليش ؟
    british : شسووي احد يروح اول يوم !
    mLak : =P انا !
    british : لا انتيي مجتهدة يا زعم
    mLak : هههههههههههه انا مجتهدة الله يساعدك
    british : هههههههه لييش مو شاطرة
    mLak : امم يعني
    british : جم تقديرج ؟
    mLak : ويي يفشل !
    british : هع , عادي جم ؟
    mLak : مو لازم صدقني بتندم
    british : انتي قوولي يالله ملاكو
    mLak : =@ ملاكوو ها خلاص موب قايلة
    british : ههههههه انزيين آسفيين , يالله جم تقديرج ؟
    mLak : اممم " 87 "
    british : ما يفشلل اوكي
    mLak : الا يفشل حلاتي اييب في التسعين
    british : هع تبين تقلدين علي يا زعم
    mLak : انت تقديرك في التسعين ؟
    british : ايي احم احم ترى ثالث اعدادي والله سهل
    mLak : بووو هاي سهل والله مو سهلل يكسر الظهر , اصلن انتو تتفلسفون بس تمرون هالمرحلة حتى لو رسووب فيها بععد تقولون سهل او تقولون ويي شهالدرجة الي يايبتها
    british : خخخخخخ حلوو التعبير
    mLak : ههههه وانت بعد ثاني ثانوي سهل
    british : امم أي سهل مو صعب
    mLak : جم نسبتك ؟
    british : 98,3 .. شرايج ؟
    mLak : ما اصدقققك !
    british : ييه شووله والله هاي نسبتي
    mLak : ما شااءلله قول الى امك تشببك لا احسدك
    british : أي ام ذي ؟
    بلعت ريقي لا يكون امه متوفية
    mLak : امك بعد أي ام !
    british : هههههه ما عندي ام شيليني من القائمة
    mLak : شهالكلام محمد
    british : ييه , ليش انا شقلت ما عندي ام
    mLak : ماكوو احد ما عنده ام شلون ييت
    british : بعد الله نزلني من السما ههههههه
    mLak : ترى ما قاعدة امزح
    british : شتبيني اقولج يا بنت الحلال انا نسيت ان عندي ام
    mLak : ما يصييير شهالكلام ترى بعصب عليك
    british : عادي الكل معصب مني
    mLak : ييه شفييك انت اليوم ؟
    british : هههههههه ملاك انا كل يوم جذي بس يمكن لانج اول مرة تعرفين عني هالشي , انا ما عندي ام !
    mLak : عييل من وين ييت ؟ , اهو لغز يعني !
    british : لا لغز ولاهم يحزنون بس انا نسييت ان عندي ام وما يحتااي تعيدين الي قلتينه والحين سكري الموضوع لو سمحتي
    mLak : امم اوكي , سآمحني ضايقتك
    british : =) , لا عاادي افا عليج
    mLak : تسللم

    بعدها تقريبا بـ نص ساعة سكرته من عنده لان بقوم بجوف امي يت او لا
    ما لقيتها وصعدت غرفتي مرة ثانية
    متحييرة من الكلام الي يقوله
    يعني شنو ما عنده ام ونزل من السما
    للامانه منقول
    ™ Gųiтάя
    ™ Gųiтάя
    الإدارة
    الإدارة


    انثى عدد المساهمات : 1420
    السٌّمعَة : 43
    تاريخ التسجيل : 26/12/2009
    الموقع : آلق‘ـصصصيمْ :$
    العمل/الترفيه : تـآلبهـْ ~

                             ممكن اصعد الى القبر Empty رد: ممكن اصعد الى القبر

    مُساهمة من طرف ™ Gųiтάя الإثنين أكتوبر 25, 2010 7:33 pm

    ,





    الله يعطيك العافيه
    دمتِ بخير
    ஹẑōσŃ
    ஹẑōσŃ
    عضو برونزى
    عضو برونزى


    انثى عدد المساهمات : 207
    السٌّمعَة : 20
    تاريخ التسجيل : 11/09/2010
    الموقع : ღبُرَيّدَھْღ
    العمل/الترفيه : طَاَلِــبَهـْ

                             ممكن اصعد الى القبر Empty رد: ممكن اصعد الى القبر

    مُساهمة من طرف ஹẑōσŃ الإثنين نوفمبر 15, 2010 9:49 am






    موفقه يـــارب

    بس تعبت وانا اقراه من طوله

    تقبلي مروري..



    ¡ Ąm βễĄŲŦÍҒũŀ
    ¡ Ąm βễĄŲŦÍҒũŀ
    عضو مميز
    عضو مميز


    انثى عدد المساهمات : 2131
    السٌّمعَة : 32
    تاريخ التسجيل : 13/10/2010

                             ممكن اصعد الى القبر Empty رد: ممكن اصعد الى القبر

    مُساهمة من طرف ¡ Ąm βễĄŲŦÍҒũŀ الأحد نوفمبر 28, 2010 8:39 pm

    الله يوفقكم ياحلوين
    منورين

      الوقت/التاريخ الآن هو الجمعة مارس 29, 2024 1:54 pm